Lúa en Ningures

Autor/a : Beatriz Maceda
Ilustrador/a : Laura Veleiro

Unha emotiva historia sobre os dereitos humanos e a vida dos nenos e nenas nos campos de refuxiados.

Tendas

Sinopse

As casas da rúa que Lúa percorría todos os días para ir ao colexio, á pastelería, á tenda de xoguetes ou ao bar onde o seu avó xogaba ao xadrez empezaron a desaparecer, esnaquizadas. Lúa e a súa familia vense na obriga de fuxir do horror da guerra e instálanse en Ningures, un campo de refuxiados onde semella que xa non queda esperanza. Porén, vai ser nese lugar onde Lúa descubra cales son os valores realmente importantes na vida das persoas.

Colección

De 9 anos en diante
Código

1343276
I.S.B.N.

978-84-9121-463-2
Publicación

14/02/2019
Clasificación IBIC

YXZW
Formato

Papel
Páxinas

128
Tamaño

19 x 14 cm

Autor

Beatriz Maceda

Beatriz Maceda. Naceu e vive na Coruña, mais pasou unha parte importante da súa vida na capital da Terra Chá, Vilalba. É mestra de Educación Primaria pola especialidade de Lingua Inglesa. Realizou estudos de posgrao en Orientación Educativa no Instituto Maslow Catell da Universidade de Deusto. Leva exercendo o ensino desde hai vinte e un anos, impartindo cursos e facendo traballos sobre ensino global. Publica os primeiros relatos, «Ela» e «Tuerka 27», na revista «Tempos Dixital». Logo virían o álbum ilustrado «Man. O alemán de Camelle» (2012), coa intención de achegar a figura de Manfred Gnädinger á mocidade; «O álbum de Garrincha» (2015), unha historia sobre como o deporte, neste caso o fútbol, pode ser un elemento de integración para as nenas e nenos migrantes, e «Cando John Lennon coñeceu a Valle-Inclán» (2017), que aproxima a figura de Valle á rapazada. En 2019 publica «Lúa en Ningures», o seu primeiro libro na colección Merlín de Xerais, ao que seguiu «As sentinelas do silencio» (2022). Xunto á escritora Eli Ríos e á ilustradora Laura Suárez, publica o álbum ilustrado «Luísa Villalta. Alma de violino» (Xerais, 2023). Tamén «Teranga» (Xerais, 2024) na colección Fóra de xogo de Xerais.

Ver ficha