Luísa Villalta. Alma de violino

Sinopse

Luísa Villalta soubo escoitar o silencio e a realidade que lle tocou vivir e plasmalo na súa obra. Comprometida e coherente, teceu os vimbios dunha sociedade equitativa e igualitaria. Nesta biografía ilustrada, mergullamos nalgunhas das palabras e das músicas que ela ceibou ao vento para achegarnos a unha muller tan polifacética como fascinante.

Colección

ÁLBUM ILUSTRADO
Código

1351095
I.S.B.N.

978-84-1110-447-0
Publicación

07/12/2023
Clasificación IBIC

YBC
Formato

Papel
Páxinas

48
Tamaño

27 x 20.5 cm

Colección

ÁLBUM ILUSTRADO
Código

1377698
I.S.B.N.

978-84-1110-450-0
Publicación

07/12/2023
Clasificación IBIC

YBC
Formato

ePub

Autor

Beatriz Maceda

Naceu e vive na Coruña, mais pasou unha parte importante da súa vida na capital da Terra Chá, Vilalba. É mestra de Educación Primaria pola especialidade de Lingua Inglesa. Realizou estudos de posgrao en Orientación Educativa no Instituto Maslow Catell da Universidade de Deusto. Leva exercendo o ensino desde hai vinte e un anos, impartindo cursos e facendo traballos sobre ensino global. Publica os primeiros relatos, «Ela» e «Tuerka 27», na revista «Tempos Dixital». Logo virían o álbum ilustrado «Man. O alemán de Camelle» (2012), coa intención de achegar a figura de Manfred Gnädinger á mocidade; «O álbum de Garrincha» (2015), unha historia sobre como o deporte, neste caso o fútbol, pode ser un elemento de integración para as nenas e nenos migrantes, e «Cando John Lennon coñeceu a Valle-Inclán» (2017), que aproxima a figura de Valle á rapazada. En 2019 publica «Lúa en Ningures», o seu primeiro libro en Xerais, ao que seguiu «As sentinelas do silencio» (2022), «Teranga» (Xerais, 2024) e «Begoña ou o pracer da amizade» (Xerais, 2026). Xunto á escritora Eli Ríos e á ilustradora Laura Suárez, é autora do álbum ilustrado «Luísa Villalta. Alma de violino» (Xerais, 2023).

Ver ficha

Autor

Eli Ríos

Eli Ríos naceu en Londres ao mesmo tempo que o punk rock pero, ao pouco tempo, regresou ás terras de Ordes onde se criou. Despois de moitas voltas e reviravoltas decidiu instalarse ao pé do castro de Elviña. Publicou os seguintes libros: "nós escoitando o badalo de marienplatz" (2010), XII Premio de Poesía Concello de Carral; "rúa da cancela" (2009), IV Premio de Poesía Erótica Illas Sisargas; "María" (2013), I Premio de Poesía Figurante; "Anamnese" (2014), II Premio de Poesía Manuel Lueiro Rey; "Diario de fotogramas" (2014), Segundo premio do I Concurso de Poesía Centro Recreativo de Artes, Concello de Ribeira; "Remexido de patacas" (2014), XL Certame de Narracións Curtas Modesto Rodríguez Figueiredo; "Doe tanto a túa ausencia" (2015), XVIII Certame Francisco Añón de Poesía, Concello de Outes; "Bicha" (2015), XIIº Premio Pura e Dora Vázquez de Narración, Deputación de Ourense; "Marta e a píntega" (2016), conto infantil; "Mulleres bravas da nosa historia: María Victoria Moreno" (2016); "Luns" (Xerais, 2017), novela, I Premio Torrente Ballester para obras en galego da Deputación da Coruña, 2016; "Café intenso" (2017), I Premio de Poesía Rosalía de Castro do Concello de Padrón, "Culpable" (Xerais, 2017), IV Premio de Poesía Gonzalo López Abente e "O ceo das reixas" (Xerais, 2019). Colabora na revista dixital de crítica literaria feminista "A Sega". Xunto á escritora Beatriz Maceda e a ilustradora Laura Suárez, publicou o álbum ilustrado «Luísa Villalta. Alma de violino» (Xerais, 2023).

Ver ficha