Ás oito da tarde, cando morren as nais

Tendas

Sinopse

«Ás oito da tarde, cando morren as nais», peza teatral de AveLina Pérez, achéganos un canto coral sustentado no absoluto baleiro, explotando as posibilidades do xogo escénico desde unha concepción aberta do espazo e cunha ollada irónica sobre a relación entre o teatro e a súa recepción. Aquí, a procura da identidade individual amparada na masa, superficial e ignorante, que presume de coñecementos inútiles, amósase indecente. Nun teatro, lugar (supostamente) de encontro, asistimos ao espectáculo da estupidez. E debaixo de todo o insultante: nós. Tan pequeniños, tan perigosos...

Colección

Biblioteca Dramática Galega
Código

1337070
I.S.B.N.

978-84-9121-530-1
Publicación

09/05/2019
Clasificación IBIC

DD
Formato

Papel
Páxinas

56
Tamaño

21 x 13 cm

Autor

Avelina Pérez

AveLina Pérez (Santa María de Oia, 1969). Formada en interpretación na escola Santart e titulada en dirección de escena e dramaturxia pola ESAD de Galicia. Inicia a súa andaina profesional como directora da Compañía Teatro do Lume e, posteriormente, crea un novo proxecto escénico co seu propio nome que abarca as producións propias, a escrita teatral e a impartición de obradoiros. É directora, dramaturga e actriz das pezas «Desde ese silencio»; «Eco»; «Segunda man. Estado aceptable»; «Por favor, ténteo novamente máis tarde»; «A que non podes dicir cocacola? (I e II)»; «Deixa de tocala, Sam»; «Os cans non comprenden a Kandinsky» e «Gañaremos o pan coa suor da túa fronte». Recibe varios premios en dramaturxia, entre eles o Álvaro Cunqueiro coa peza «Ás oito da tarde, cando morren as nais» (Xerais, 2019), posta en escena polo CDG en 2022 e traducida ao portugués e ao francés, e o Abrente de textos teatrais con «O día no que bicar a terra». En 2024 volve gañar o Álvaro Cunqueiro con «Incidencia muller pedra» (Xerais 2025).

Ver ficha

Ás oito da tarde, cando morren as nais

Sinopse

Avelina Pérez

Sobre a colección Biblioteca Dramática Galega

Os nosos libros