A guerra do tabaco

Tendas

Sinopse

Don Orlando, o máis veterano dos contrabandistas galegos de tabaco, olla dende o seu castelo de Miraventos a ría que ten por máis fermosa do mundo. Un descoñecido quere arrebatarlle o control do negocio, e el non descansará ata descubrir quén é. Por isto decide tomar as medidas necesarias para afrontar a situación. O detective Nivardo Castro e o xornalista Carlos Conde investigan uns accidentes de tráfico ocorridos na mesma zona e que parecen ser parte dun axuste de contas. Eles saben que detrás destes feitos agóchase unha realidade nova, intensa e complexa. ¿Quizáis unha guerra que ninguén coñece? ¿ Unha guerra clandestina, silandeira, sen nome? Neste proceso todos acabarán envoltos nun final inesperado e violento, vibrante.

Colección

Narrativa
Código

1331207
I.S.B.N.

978-84-9782-230-5
Publicación

14/02/2005
Clasificación IBIC

FF
Formato

Papel
Páxinas

296
Tamaño

22 x 14.7 cm

Autor

Carlos G. Reigosa

Carlos G. Reigosa (A Pastoriza, 1948). Licenciado en Ciencias da Información e Ciencias Políticas. Xornalista e membro do Consello Asesor da Fundación del Español Urgente (Fundeu). Como narrador ten publicadas as seguintes obras: "Oxford, amén" (1982, Xerais 2006), novela; "Homes de Tras da Corda" (Xerais 1982, 2000), relatos; "Crime en Compostela" (Xerais 1984, 2005), Premio Xerais de novela; "As pucharcas da lembranza" (Xerais 1985), relatos; "Irmán Rei Artur" (Xerais 1986, 2000), relatos; "O misterio do barco perdido" (Xerais 1988, 2005), novela; "Os outros disparos de Billy" (Xerais 1991); "A guerra do tabaco" (Xerais 1996, 2005), novela; "Narcos" (Xerais 2000), novela, Premio Benito Soto 2001; "Intramundi" (Xerais 2002), novela; "Pepa A Loba" (Xerais 2006), novela; "A vida do outro" (Xerais 2009), novela, Premio Gonzalo Torrente Ballester 2008; "A lei das ánimas" (2010), novela; "Tras da Corda" (Xerais 2012), relatos; "A vitoria do perdedor" (Xerais 2013), novela; "A vinganza do defunto" (Xerais 2014), novela, e "Segredos de Bretaña" (Xerais, 2016), novela. Publicou o libro de poemas "Kid salvaxe" (Xerais 2014) e a obra de teatro "A soidade do asasino" (Xerais 2018), ademais de varios libros de investigación e ensaio xornalístico, entre eles, "Fuxidos de sona" (Xerais 1989), reportaxe; "Doutor Livingstone, supoño" (Xerais 1998), ensaio; "O regreso dos maquis" (Xerais 2004), reportaxe; "Laxeiro por si mesmo" (Xerais 2008), conversas; "A agonía do león" (Xerais 2011); "A Galicia máxica de García Márquez" (2009, Xerais 2013); "Colmeiro por si mesmo", escrito en colaboración con Xosé Antón Castro (Xerais 2015) e "A morte de Valle-Inclán", en colaboración con Javier del Valle Inclán e José Monleón (Xerais, 2016).

Ver ficha