Galicia en guerra

Sinopse

Este libro recolle unha apaixonante historia oculta. A da participación de Galicia na II Guerra Mundial. De 1939 a 1945, Galicia estivo en guerra porque, malia a neutralidade de España, o país tivo un papel protagonista na guerra. O volframio extraído das minas galegas alimentou a poderosa industria bélica de Hitler. Unha rede de espías alemáns e aliados operaba nos portos galegos, mentres os submariños U-boot se abastecían en Vigo e Ferrol. Empresas tapadeira, do consorcio nazi Sofindus, medraron en Galicia. A implicación foi tan grande que mesmo os barcos pesqueiros galegos acabaron por ser obxectivo da Royal Navy, con máis dunha ducia de afundimentos en operacións secretas. Ao remate do conflito, unha arañeira de axentes secretos acochou aos criminais nazis e organizou a súa fuxida cara a América. Unha apaixonante e descoñecida historia que agora, o xornalista Eduardo Rolland, relata en Galicia en guerra.

Colección

CRÓNICA
Código

1345083
I.S.B.N.

978-84-9782-465-1
Publicación

19/07/2006
Clasificación IBIC

HBWQ
Formato

Papel
Páxinas

184
Tamaño

22 x 14.5 cm

Colección
Código
I.S.B.N.
Publicación

01/01/1970
Clasificación IBIC
Formato

Autor/a

Eduardo Rolland

Eduardo Rolland Etchevers naceu en Vigo en 1969. Estudou Xornalismo na Facultade de Ciencias da Información da Universidade Complutense de Madrid. Foi redactor do xornal Faro de Vigo e na actualidade exerce o xornalismo en La Voz de Galicia e A Nosa Terra, onde publica reportaxes e artigos de opinión. É colaborador habitual de revistas como National Geographic ou Integral. Foi Premio de Xornalismo Johan Carballeira 2003, Premio de Xornalismo Científico Xunta de Galicia, en 2004, e Premio Nacional de Xornalismo "Francisco Fernández del Riego", en 2006. Participou con obra literaria no libro colectivo Phiccións (Xerais, 2000), é autor de Galicia en Guerra (Xerais, 2006) e Reconquista. Vigo en armas (Xerais, 2009), ademais de Galicia, Rutas con Historia e La batalla de Rande, ambas con Prensa Ibérica. No audiovisual, dirixiu a serie Do Miño ao Ulla (Faro, 2001) e a longametraxe documental A Arañeira (TVG, 2008).

Ver ficha

Sinopse

Eduardo Rolland

Sobre a colección CRÓNICA