Ilustrador/a

Orelí Pello

Orelí Pello (Brest, 1986) é unha ilustradora francesa que vive entre A Coruña e Estrasburgo. Despois de cursar Artes Aplicadas e un mestrado en Filoloxía Hispánica (UBO, Brest), orientouse cara ao ensino e á tradución ata que unha anécdota a volveu encarreirar cara ao mundo artístico. Continuou a formarse na EASD Pablo Picasso (A Coruña) e recibiu premios en distintos concursos gráficos, entre eles, o do IV Certame das Artes na categoría de Ilustración polo seu proxecto «Poema XXI». Participou en diversas feiras e eventos artísticos e expuxo a súa obra no Museo Interactivo da Historia de Lugo, no proxecto colectivo Nosoutras. Actualmente enfoca o seu traballo na animación, na literatura infantil e na ilustración aplicada a produtos. «Fábulas contadas» é o seu primeiro libro con Xerais.