Hoxe toca Leiva?

Sinopse

Sam, encargado do Nautilus, un local de concertos da península do Grove, comeza outro día frenético de traballo logo dunha noite moi intensa. Entre tanto, é vixiado de preto por dous esbirros dun narco da contorna. O propietario do Nautilus acompaña un amigo músico ante un suceso inesperado que poñerá a proba unha amizade complexa. Unha escritora de éxito asiste cunha amiga á rodaxe dunha película baseada nunha novela súa. Alí coñecerán o actor protagonista, quen busca sobrevivir aos seus conflitos interiores. Unha poeta arrastra feridas recentes e dubida se aceptar unha proposta para asistir aos concertos da noite. O pai da escritora, enfermo, fai memoria da súa vida e da militancia política nos últimos setenta. E entre todo isto, un rumor: ese día Leiva actuará na zona. Pero onde? Esta novela de Lois Pérez soa con música a todo volume e nela cítanse o anhelo, a memoria, o desexo, o amor, a enfermidade ou o conflito. Tamén, a esperanza, a introspección e grandes doses de humor.

Colección

Narrativa
Código

1331567
I.S.B.N.

978-84-1110-820-1
Publicación

07/05/2026
Clasificación IBIC

FA
Formato

Papel
Páxinas

288
Tamaño

23 x 15.5 cm

Colección

Narrativa--NARRATIVA
Código

1378450
I.S.B.N.

978-84-1110-823-2
Publicación

07/05/2026
Clasificación IBIC

FA
Formato

ePub

Autor

Lois Pérez

Lois Pérez (Lugo, 1979) é mestre, contador de historias, poeta, escritor e guionista. Coordina a Sección de Literatura de Tradición Oral da AELG. Forma parte do comité de redacción da revista «Luzes» e colabora con diversos medios. No eido da dramaturxia gañou en 2008 o Premio de Teatro Radiofónico da Radio Galega con «Saltimbanqui» (Xerais, 2008), dirixida e adaptada por Quico Cadaval. Como poeta, publicou «LP» (2013), «Long Play» (Xerais, 2017) e «Lugo Philadelphia» (Xerais, 2023), con fotografías de Alba Díaz. En 2017 gañou o Premio aRi[t]mar ao mellor poema editado en Galicia nese ano por «Blues do rei Bergman=B.B. King». Con «A gruta da torre» (Xerais, 2022) gañou o V Premio Agustín Fernández Paz de Narrativa Infantil e Xuvenil pola Igualdade, con «A tribo do mar» (Xerais, 2023) o XVI Premio Raíña Lupa de Literatura Infantil e Xuvenil e con «Cartas na escuridade» gañou o VI Premio María Victoria Moreno de Literatura Xuvenil 2024 e o Premio Follas Novas ao Mellor Libro de Literatura Xuvenil 2025. «Hoxe toca Leiva?» (Xerais, 2026) é a súa primeira novela dirixida a lectorado adulto. Fotografía do autor: Alba Díaz.

Ver ficha

Libros de Lois Pérez

FÓRA DE XOGO

A tribo do mar

POESÍA

Lugo Philadelphia

CAMALEÓN

A gruta da torre

Sinopse

Lois Pérez

Libros de Lois Pérez

Sobre a colección Narrativa

Os nosos libros