De memoria

Sinopse

Logo dunha longa traxectoria, Suso de Toro entende que precisa facer memoria do seu itinerario vital como escritor e reconstruír o que considera a súa vida pública. Desde as súas orixes familiares á clandestinidade antifranquista; desde os anos de formación artística até a publicación dalgúns dos seus títulos máis emblemáticos e influentes. As súas relacións con editoras, escritores e artistas. A súa intensa relación con Camilo Nogueira e co expresidente Zapatero, o seu compromiso político coa Galiza actual, a súa participación no procés catalán e o diálogo con Puigdemont. Desde os intentos para dotar o país de medios de comunicación libres e propios á aceptación da derrota final. Con todo, estas non son unhas memorias ao uso. O autor considerou máis conveniente botar man de Celia para que as escribise, alguén que apareceu xa en libros seus anteriores como «Trece Badaladas» ou «Home sen nome». O traballo de Celia, cara a cara con Suso de Toro, foi un labor de construción ou reconstrución da vida dunha persoa, un personaxe, e dun tempo histórico do noso país. A narración avanza, dubida, retrocede e progresa elaborando devagar asuntos persoais, artísticos e da vida nacional. Esta é unha novela biográfica, unha biografía novelesca.

Colección

Narrativa
Código

1331579
I.S.B.N.

978-84-1110-907-9
Publicación

21/01/2027
Clasificación IBIC

BM
Formato

Papel
Páxinas

592
Tamaño

23 x 15.5 cm

Colección

Narrativa--NARRATIVA
Código

1378468
I.S.B.N.

978-84-1110-912-3
Publicación

21/01/2027
Clasificación IBIC

BM
Formato

ePub

Autor

Suso De Toro

Suso de Toro (Santiago, 1956) é licenciado en Arte Moderna e Contemporánea. En 2003 foille concedido o Premio Nacional de Narrativa. Como narrador publicou: "Caixón desastre" (1983, 1991), relatos, Premio Galicia da Universidade de Santiago; "Polaroid" (1986, 2021), relatos, Premio da Crítica Galicia; "Land Rover" (1988, 2026), novela; "Ambulancia" (1990, 2023), novela; "Tic-Tac" (1993, 2003), novela, Premio da Crítica Española 1994; "A sombra cazadora" (1994/2024), novela; "Conta saldada" (1996, 2017), novela; "Calzados Lola" (1997), novela, Premio Blanco Amor; "Círculo" (1998), relatos; "Non volvas" (2000), novela, Premio da Crítica Española; "Trece badaladas" (2002), novela, adaptada libremente ao cine por Xavier Villaverde co título homónimo (2003) e Premio Nacional de Narrativa; "Morgún (Lobo Máxico)" (2003), novela; "Home sen nome" (2006), novela; "Sete palabras" (2009), novela; "Somnámbulos" (2014), relatos; "Fóra de si" (2018), novela; "Un señor elegante" (2020), novela; "O segredo de Joseph Haydn" (2024), novela; «Conta, Sherezade» (2025), novela; «Terra de sacrificio» (2025), novela, e «De memoria» (2027), novela autobiográfica. Escribiu, entre outros, libros de xornalismo e ensaio: "F.M." (1991), "Camilo Nogueira e outras voces. Unha memoria da esquerda nacionalista" (1991), "O país da brétema" (2000, Xerais 2016), "A carreira do salmón" (2001), "Nunca máis Galiza á intemperie" (2002), "Españois todos" (2004), "Ten que doer" (2004), "Outra idea de España" (2005), "Outra Galiza" (2008), "Inmateriais. Vidas da nosa historia" (2013), "Humildar. Rituais despois de deus" (2017), "Dentro da literatura" (2019) e "Descubrindo Ana Pontón" (2023). Publicou ademais a obra de teatro "Unha rosa é unha rosa" (1997, 2023) e "Servicio de urxencias" (2002), guións de televisión.

Ver ficha

Sinopse

Suso De Toro

Libros de Suso De Toro

Sobre a colección Narrativa

Os nosos libros