No ano do cometa

Autor/a

Xoán Bernárdez Vilar

Nacido en Marín en 1936, aos sete anos trasládase a Vigo. Estuda Maxisterio na Escola Normal de Pontevedra. En 1957 convértese en Auxiliar Administrativo da Caja de Ahorros y Monte de Piedad Municipal de Vigo, hoxe Caixanova. Máis tarde, entre 1990 e 1995, realizou a carreira de Xeografía, Arte e Historia na Universidade de Vigo. Colaborou no programa de radio Raíz e Tempo (primeiro programa en galego despois da Guerra Civil) de La Voz de Vigo (1965-1975), continuou en Radio Ecca, tamén como guionista histórico. Dirixiu dúas revistas, Galicia Social e Latexo. Foi asesor histórico da serie da TVG Terras de Merlín, e publicou en múltiples revistas como a do Instituto de Estudos Miñoranos, Encrucillada, Agalia, etc. Publicou tamén contos. É tradutor de galego, castelán, portugués, italiano, francés, inglés, e latín. Actualmente traballa na súa Tese de Doutoramento sobre A Fachada Atlántica europea na Antigüidade a través da 'Ora Maritima' de Rufo Festo Avieno. Dende o 22 de febreiro do ano 2003 é Académico Correspondente da Real Academia Galega. O 11 de xullo de 2011 defendeu en Ourense a súa tese de doutoramento, obtendo a cualificación de sobresaínte, polo que dende esa data é doutor en Xeografía, Arte e Historia pola Universidade de Vigo. Obras Principais: Narrativa · Un home de Vilameán: anatomía da revolución Irmandiña, 1976. · ¡Ouveade, naves de Tarsish, 1983. · Homo sapiens, 1984. · Vento do norte, Vento do sul, 1985. · No ano do cometa, 1987. · ¡Xerusalén, Xerusalén!, 1992. · Big-Bang, 1996. · A saga da illa sen noite, 2001. Ensaio · Galicia no século VI antes de Cristo. Estudo Histórico-Xeográfico da Ora Maritima de Rufo Festo Avieno, 1990. · Xeografía do mito de Tristán e Iseu, 2000. · Antes da invención de América. As descubertas precolombinas do século XV, 2001. · A arte ó servicio do poder. Alexandre-Augusto, 2001. · A etapa portuguesa de Colón e a súa viaxe Ultra Tile, 2003. · O comezo da nosa Idade Media. A Gallaecia que se emancipou de Roma, 2003. · O rei Artur: Mito e realidade, 2005. Teatro · O valedor do reino, 2002, edición dixital. Obras colectivas · Unha liña no ceo (58 narradores galegos 1979-1996), 1996. · Dicionario Enciclopedia do Pensamento Galego, 2008. Premios · 3º Premio do Concurso Nacional de Contos Infantís O Facho no 1968, por A nau do lonxano país. · 3º Premio do Concurso Nacional de Contos Infantís O Facho no 1969, por O neno que soñou cunha illa. · Premio do Padroado da Cultura Galega de Montevideo en 1976 por Un home de Vilameán: anatomía da revolución Irmandiña. · Accésit do Premio Modesto R. Figueiredo do Pedrón de Ouro en 1983, por Homo sapiens. · Premio Galicia de Investigación da Universidade de Santiago de Compostela no 1984, por Galicia no século VI antes de Cristo. Estudo Histórico-Xeográfico da Ora Maritima de Rufo Festo Avieno. · Premio Casa Galicia de León en 1984, por Vento do norte, Vento do sul. · Premio Xerais en 1986, por No ano do cometa. · Premio Concello de Vilalba en 1993, por Big-Bang. · Premio Concello de Vilalba en 1999, por A saga da illa sen noite. · Premio de teatro da Universidade de Vigo no 2002, por O valedor do reino. · Premio Taboada Chivite do Concello de Verín no 2003, por A etapa portuguesa de Colón e a súa viaxe Ultra Tile. · Premio de Historia Medieval da editorial Toxosoutos de Noia e finalista do Premio Antonio Fraguas do Concello de Cotobade en 2002, por O comezo da nosa Idade Media. A Gallaecia que se emancipou de Roma. · Premio Ramón Piñeiro de Santiago de Compostela no 2004, pola tradución de Idacio Lémico: Chronica (379-469). · Premio de relato, poesía e tradución da Universidade de Vigo no 2003, por Chronica Hermerici. · Finalista do Premio Ramón Piñeiro da Editorial Galaxia en 2005, por O rei Artur: Mito e realidade.