Materia

Sinopse

O ser humano e a materia confúndense ata tal dimensión que por veces o individuo imaxina sentir que se distancia, que a súa esencia é espiritual, intanxible, transcendente. E non. A materia, coma o home, coma a muller, é continxencia pura, recreación da multitude ao mesmo tempo que a multitude é recreación material. De aí nace o esìrito deste libro: como unha corredoira de ida e volta entre o individuo e a multitude, entre percepcións intuitivas e sensacións elaboradas, no desexo de materializar as formas do desexo, do proxecto, da conciencia. Materia de X. Antón L. Dobao non é un libro unitario: é a aproximación aos enlaces entre o home individuo e o ser humano social con tendencia irrefreable ao común. En todo o libro latexa a intención explícita de escritura dun poema, o poema concibido non como elevación espiritual senón como materia. Materia da snosas arelas. Materia tanxible. Materia humana. Materia multitude. Común.

Colección

POESÍA
Código

1322207
I.S.B.N.

978-84-9782-321-0
Publicación

21/07/2005
Clasificación IBIC

DCF
Formato

Papel
Páxinas

88
Tamaño

22 x 14.6 cm

Autor

X. Antón Dobao

Antón Dobao (Lugo, 1963). Licenciado en Filoloxía Galega. Lingüista da TVG, director e guionista de ficción audiovisual. É membro do Comité de Redacción da revista «A Trabe de Ouro» dende a súa fundación. Traduciu ao galego obras de George Orwell, Antoni Marí, J. D. Salinger, Paul Auster, Carles Bellsolà ou Sergi Pàmies. Como poeta, publicou «Desde o teito da noite» (Xerais, 1987), «Caderno dos dereitos e das horas» (1994), «O tempo entre murallas» (Xerais, 1997), «Materia» (Xerais, 2005), «Onde o ollar comeza a doer» (2007) e participou no libro colectivo «Xuro que nunca volverei pasar fame», da asociación Redes Escarlata. En narrativa, publicou os libros de relatos «Incertos» (Xerais, 2008), «As ilusións estrañas» (2014) e «O tigre na boca do lagarto» (Xerais, 2024). Como director cinematográfico, pódense destacar, entre outras, obras como «A Mariñeira» (2007), «O Club da Calceta» (2008) ou «Sinbad» (2011).

Ver ficha

Sinopse

X. Antón Dobao

Libros de X. Antón Dobao

Sobre a colección POESÍA